No More Learning

cum mens onus reponit, ac peregrino
labore fessi uenimus larem ad nostrum,
desideratoque acquiescimus lecto. 10
hoc est quod unum est pro laboribus tantis.
salue o uenusta Sirmio atque hero gaude;
gaudete uosque o Lydiae lacus undae;
ridete quidquid est domi cachinnorum.


XXXI _AD SIRMIVM INSVLAM_ ? : in O primae litterae P caerulea nota
adficta est

1 _Sirinio_ GO
3 _nept? nus_ GRDVen
4 _libenter_ Dah: _libente_ ?
5 _mihi_ ? || _crederis al. credens_ G: _crederis_ D || _Thuniam
atque Bithunos_ scripsi: _thi_(_y_ O)_miam atque bithinios_ ?
8 _honus_ B et R m. pr.
12 _hero al. bero_ RVen: _bero_ Laurentianus 33. 12: _ero_ nullus
codex ex meis
13 _gaude_ O et Santenianus: _gaudente_ Bergk || _uos quoque
lidi(a)e_ ? : emendarunt _uosque, uos o, uosque o_ || _lucidae_
B. Guarinus: _limpidae_ Auantius: _Lydii_ Froehlich




XXXII

Amabo, mea dulcis Ipsithilla,
meae deliciae, mei lepores,
iube ad te ueniam meridiatum.
et si iusseris, illud adiuuato,
ne quis liminis obseret tabellam, 5
neu tibi lubeat foras abire,
sed domi maneas paresque nobis
nouem continuas fututiones.
uerum si quid ages statim iubeto:
nam pransus iaceo et satur supinus 10
pertundo tunicamque palliumque.


XXXII _AD IPSICIL(L)AM_ uel IPSIT(H)ILAM ? : spatium in O non est

1 _ipsi thila_ GBLa1: _ipsi illa_ O: _ipsi Thila_ (_ipsi-chila_
Ven) _al. ipsicilla_ RVen: _Hypsithilla_ Scaliger: _Ipsitilla_
Buecheler: _Hypsiphylla_ Palmer: _Ipsimilla_ Leo
4 _illud, adiuuato_ Lachm. : _adiubeto_ Turnebus
5 _luminis_ O
6 _lubeat_ GD et corr. R: _lube_ O: _libeat_ R m. pr. , cum
plerisque
7 _meas_ (suprascr. _an_) R sed _an_ pallidiore atramento
9 _agis_ a
11 _tunicam_ om. _que_ a




XXXIII

O furum optime balneariorum
Vibenni pater et cinaede fili,
(nam dextra pater inquinatiore,
culo filius est uoraciore)
cur non exilium malasque in oras 5
itis? quandoquidem patris rapinae
notae sunt populo, et natis pilosas,
fili, non potes asse uenditare.


XXXIII cum XXXII continuant ? nullo spatio relicto

3, 4 Carrio et Hand sic scribebant _nam dextra pater est
uoraciore, culo filius inquinatiore_
4 _uoratiore al. uolantiore_ GRVen: _uolantiore_ AC: _uoratiori
al. uolant ori_ B
5 _horas_ ?
6 _istis_ a
8 _potest a se_ (uel _ase_) _uendicare_ ?




XXXIV

Dianae sumus in fide
puellae et pueri integri:
Dianam pueri integri
puellaeque canamus.
o Latonia, maximi 5
magna progenies Iouis,
quam mater prope Deliam
deposiuit oliuam,
montium domina ut fores
siluarumque uirentium 10
saltuumque reconditorum
amniumque sonantum:
tu Lucina dolentibus
Iuno dicta puerperis,
tu potens Triuia et notho's 15
dicta lumine Luna.
tu cursu, dea, menstruo
metiens iter annuum,
rustica agricolae bonis
tecta frugibus exples. 20
sis quocumque tibi placet
sancta nomine, Romulique
antique ut solita's bona
sospites ope gentem.


XXXIV _CARMEN DIANE_ (_DYANE_ R, marg. Ven) ? : spatium in O non est

3 om. ? : uersum reposuit Palladius 1500
8 _deposiuit_ Caesenas: _deposuit_ ?
11 _saltumque recunditorum_ O
12 _amniumque_ Calp. 1481: _omniumque sonancium_ O: _omnium
sonantiumque_ Par. 7989: _omnium sonantium_ ?
15 _notho's_ L. Mueller: _nothoes al. noto es_ GRVen
16 _diua_ Weber
17 _menstrua_ ?
18 _menti_(_ci_ La1)_ens_ OLa1
21 _scis quecumque tibi placent al. sis quocumque tibi placet_
GRBVen: _scis quecumque tibi placet_ OD: _sis quecumque tibi
placent_ ACLa1
23 _antiqui_ B ubi seorsus habet, in folio quod ceteris
praefixum est, xxxiv. 15-xxxv. 14: _antique_ B suo loco: _ancique_
h et sic ex coniectura Merula Scaliger Niebuhr || _solita's_
Lucian Mueller: _solitas es_ (_est_ Sant. ) A et Santenianus:
_solita es_ ?




XXXV

Poetae tenero, meo sodali,
uelim Caecilio, papyre, dicas
Veronam ueniat, Noui relinquens
Comi moenia Lariumque litus.
nam quasdam uolo cogitationes 5
amici accipiat sui meique.
quare si sapiet uiam uorabit,
quamuis candida milies puella
euntem reuocet, manusque collo
ambas iniciens roget morari. 10
quae nunc, si mihi uera nuntiantur,
illum deperit impotente amore.
nam quo tempore legit incohatam
Dindymi dominam, ex eo misellae
ignes interiorem edunt medullam. 15
ignosco tibi, Sapphica puella
musa doctior; est enim uenuste
magna Caecilio incohata mater.


XXXV _AD CECILIVM IVBET LIBELLVM_ (_-LO_ GRVenD) _LOQVI_ ? :
spatium nec in G nec in O

2 _occilio_ O
4 _moenia_] _ueniam_ O: _meniam_ G m. pr. , nunc erasum est ?
h. e. _m_
8 _millies_ GRVen: _mill{i}es_ OC
10 _iniciens_ B utroque loco: _inities_ O
11 _nunt. _ RVen: _nunc. _ GO
12 _impotente amore_ a et Charisius 133. 25 Keil: _impotentem
amorem_ (_amore_ GVen _amorem_ R) ?
13 _elegit_ ? : _eligit_ O || _indotatam_ ?
18 _cecilia_ ? || _incohata_ OD Paris 7989: _inchoata_ ?




XXXVI

Annales Volusi, cacata carta,
uotum soluite pro mea puella.
nam sanctae Veneri Cupidinique
uouit, si sibi restitutus essem
desissemque truces uibrare iambos, 5
electissima pessimi poetae
scripta tardipedi deo daturam
infelicibus ustulanda lignis.
et haec pessima se puella uidit
iocose lepide uouere diuis. 10
nunc o caeruleo creata ponto,
quae sanctum Idalium Vriosque apertos,
quaeque Ancona Cnidumque harundinosam
colis quaeque Amathunta, quaeque Golgos,
quaeque Durrachium Hadriae tabernam; 15
acceptum face redditumque uotum,
si non illepidum neque inuenustum est.
at uos interea uenite in ignem,
pleni ruris et inficetiarum
annales Volusi, cacata carta. 20


XXXVI _AD LVSICACATAM_ (_Lusicatam_ C) ? : cum XXXV cohaeret in O

1 _Annuale_ (_Anuale_ O) _suo lusi_ ? : _Volusi_ ed. antiquissima
saec. xv
5 _desissemque_ Auantius: _dedissemque_ ?
7 _datura_ D, Spengel
8 _ustul. _ Buecheler: _ustil. _ codices
9 _haec_ O, ut uidit Merrill, idem praetulerunt Pontanus ad
Macrob. S. I. 7, R. W. Raper, alii: _h? c_ (suprascr. _e_) D:
_hoc_ ? : om. a || _uidit_] fort. _uicit_
10 _iocosis_ Riese || _uouere se diuis_ ? : _et haec p. sic p. u.
ioco se l. u. d. _ Postgate
11 _o_ om. O
12 _adalium al. ydalium_ GRVen: _adalium_ O || _uriosque_ ? :
_utriosque_ (suprascr. _uriosque_ G) GD: _uiuosque_ cod.
Ashburneri: _Vriosque portus_ Heinsius: _Surosque_ Voss:
_Chytrosque_ Bergk: _Thronosque_ Unger
13 _gnidumque_ (_que_ om. BLa1) ?
14 sic Auantius _colisque_ || _amathunta_ (_-tam_ O) _queque
alcos_ ?
15 _dur. _ ?
19 _ruris_ Palladius: _turis_ (_turris_ BLa1) ?
20 _annuale_ (_anu. _ O) _suo lusi_ (_lusio_ O) _cacata carta_ ?




XXXVII

Salax taberna uosque contubernales,
a pilleatis nona fratribus pila,
solis putatis esse mentulas uobis,
solis licere, quidquid est puellarum,
confutuere et putare ceteros hircos? 5
an, continenter quod sedetis insulsi
centum an ducenti, non putatis ausurum
me una ducentos irrumare sessores?
atqui putate: namque totius uobis
frontem tabernae ? sopionibus? scribam. 10
puella nam mei, quae meo sinu fugit,
amata tantum quantum amabitur nulla,
pro qua mihi sunt magna bella pugnata,
consedit istic. hanc boni beatique
omnes amatis, et quidem, quod indignum est, 15
omnes pusilli et semitarii moechi;
tu praeter omnes une de capillatis,
cuniculosae Celtiberiae fili,
Egnati, opaca quem bonum facit barba
et dens Hibera defricatus urina. 20


XXXVII _AD CONTVBERNALES_ (_SVOS_ add. AC) ? : nullum spatium in O

2 _pilleatis_ O et G m. pr. : _pileatis_ RVen || _non a_ ?
4 _quicquid_ ?
5 _confutuere_ a: _confuture_ (suprascr. _e_) D: _confutere_ ?
10 _scorpionibus_ marg. Paris. 7989, Lachm. : _sopironibus_ Voss:
_sponsionibus_ Heyse: _ropionibus_ Peiper. allato uersu ap. Mar.
Plot. Sacerdotem de Tropis (Grammat. Lat. vi. 2. p. 461 Keil)
_Quem non pudet et rubet non est homo sed ropio_: _gobionibus_
Purues: num _cocionibus_? h. e. frontem tabernae inscribam
uocabulo '_cocionibus_,' utpote oppositam pignori et mox uenalem
11 _mei_ (h. e. _mi_) Schwabe; cf. lxxii. 6. lxxvii. 3: _me_ ? ||
_meos sinus_ Passeratius
12 _quantum_] _quam_ O
15 _et quid id dignum est_ Bodl. Lat. Class. e. 15 || num _et
quidem, id quod indignum est_? Post u. 16 codices praeter GO
interstitium habent unius uersus in quo scriptum est AD
EGNATIVM_ (_-TVM B); idem in margine habent GO, sed abest
interstitium
17 _une ? ,_ Priscianus _v. 77. vii. 22_ Keil: _une al. uno_ G:
_uno al. une_ Ven
18 _cuniculosae Celtiberosae_ Prisciani codices excepto
Darmstadiensi siue Coloniensi 202 saec. xi. : _Celbiberie_ O:
_Celtiberi_ GRVenBLa1: _Celtiberi_ (suprascr. _e) ? c? _ C
20 _et_] _e_ O




XXXVIII

Malest, Cornifici, tuo Catullo,
malest, me hercule ? et? laboriose,
et magis magis in dies et horas.
quem tu, quod minimum facillimumque est,
qua solatus es allocutione? 5
irascor tibi. sic meos amores?
paulum quid lubet allocutionis,
maestius lacrimis Simonideis.


XXXVIII cum XXXVII continuant ? : spatium in O non est

1 _Male est si carnifici_ ? praeter R: R habet _Male est si
carnifici_ suprascriptum his _M? le est. ? ? e ? st s? carnifici_
cuius deformati uersus principio _va-_, fini _cat_ adscriptum
est: _Cornifici_ Palladius
2 _male si_ GO: _male est. . . si_ R: _male est si_ VenBLa1ACa _me
hercule et l. _ ? : _me h. et est l. _ Sillig: _me h. ei et l. _
Lachm. : num _me h. mi et l. _?
4 in Laurentiano 33. 12 sic scriptus est
quem tu quod minimum
facilimumque est
quo indicio mancum declaratur poema
5 _aloc. _ OLa1B
7 _aloc.
_ O
8 _maius est_ Morgenstern, distractis scilicet litteris _MA EST
IVS_
Post 8 Froehlich subiungendos putauit ii. 11-13 '_Tam gratum est
mihi quam ferunt puellae Pernici aureolum fuisse malum, Quod
zonam soluit diu ligatam. _'




XXXIX

Egnatius, quod candidos habet dentes,
renidet usque quaque: sei ad rei uentum est
subsellium, cum orator excitat fletum,
renidet ille: si ad pii rogum fili
lugetur, orba cum flet unicum mater, 5
renidet ille: quidquid est, ubicumque est,
quodcumque agit, renidet: hunc habet morbum,
neque elegantem, ut arbitror, neque urbanum.
quare monendum test mihi, bone Egnati.
si urbanus esses aut Sabinus aut Tiburs, 10
aut parcus Vmber aut obesus Etruscus,
aut Lanuinus ater atque dentatus,
aut Transpadanus, ut meos quoque attingam,
aut qui lubet, qui puriter lauit dentes,
tamen renidere usque quaque te nollem: 15
nam risu inepto res ineptior nulla est.
nunc Celtiber es: Celtiberia in terra,
quod quisque minxit, hoc sibi solet mane
dentem atque russam defricare gingiuam,
ut quo iste uester expolitior dens est, 20
hoc te amplius bibisse praedicet loti.


XXXIX cum XXXVIII continuant ?

2 _sei_ O et Laur. 33. 12 quod non ausus sum immutare: _seu al.
sei_ RVen: _seu_ G et plerique
3 _subs_(_sc_ O)_ellum cum excitat_ (_recitat_ AC) _orator_ ?
4, 5 om. Dh
4 _pii_ BLa1: _pii al. impii_ GRVen: _impii_ O || _rogum_ BD et
Santenianus: _regum_ ? || _filii_ ?
6 _quicquid_ ?
8 _nec urbanum_ O
9 _test_] _est_ codd. _te_ add. Spengel, _est te_ Baehrens ||
_monendus es_ Calp. 1481
11 _parcus_ ? : _parthus_ cod. Ashburneri: _porcus_ h et
Brixianus, Scaliger ex coniectura: _pinguis_ Gloss. Vatic. in
Maii Class. Auct. VII. 574 _Pinguis grassus. Nam obesus plus est
quam pinguis. Catullus ait Aut pinguis ubera aut obesus et
prossus_: _fartus_ Balth. Venator: _pastus_ Voss: _crassus_
Loewe: num _spurcus_?
12 _lanuinus_ D et fortasse R: _lamiuinus_ GOB
13 _ut_ Dah: _aut_ ?
14 _pariter uel puriter_ RVen
16 Extat apud Hieremiam Iudicem de Montagnone Compend. Moral.
Notabil. p. iiii. 4. 8
17 _es_ add. Conr. de Allio: om. codices
18 _quique mixit_ O: _min? it_ (suprascr. _x_) B: _minsit_ D et
cod. Ashburneri
19 _russam_ a, Apuleius Apol. vi: _rusam_ ? : _rufam_ cod. Ashb.
|| _pumicare_ Apuleius
20 _noster_ Oa || _expolitor al. tior_ BRVen: _expolitor_ OLa1
21 _lotus_ ? : _lotum_ h et cod. Ashburneri




XL

Quaenam te mala mens, miselle Rauide,
agit praecipitem in meos iambos?
quis deus tibi non bene aduocatus
uecordem parat excitare rixam?
an ut peruenias in ora uulgi? 5
quid uis? qua lubet esse notus optas?
eris, quandoquidem meos amores
cum longa uoluisti amare poena.


XL _AD RAVIDVM_ ? : nullum spatium in O

1 _Raude_ Faernus, L. Mueller
3 _deus_ om. B: _dens_ OA || _auocatus_ (suprascr. _d_) G:
_auoc. _ ORBLa1Ch
5 _peruenias_ p: _perueniamus_ ? Versum adulterinum ratus est
Schmidt; sed _in ora uulgi_ uidetur imitatus Henricus Allocut.
ad librum 29 Traube (Poet. Lat. aeui Carolini III, p. 437) _et
ni proripias in ora uulgi_
6 _cuiuis_ Voss
8 _pena_ Oa Laur. 33. 12: _poema al. pena(? _ R) GRVen




XLI

Ameana puella defututa
tota milia me decem poposcit,
ista turpiculo puella naso,
decoctoris amica Formiani.
propinqui, quibus est puella curae, 5
amicos medicosque conuocate:
non est sana puella, nec rogare
qualis sit solet aes imaginosum.


XLI cum XL continuant codices

1 _A mean a_ O: _A me an a_ GRBVen || Id pro _Ammiana_ rustice
dictum putabat Froehner: _Anne sana_ Conr. de Allio et K. P.
Schulze: _Ametina_ Haupt: _Anniana_ Schwabe || _defututa_ DOG:
_defutura_ cett.
5 _puella_ AC: _puelle_ ?
6 _conuocare_ ? : _conuacate_ C
7 _rogate_ ACa Lachm.
8 _olet_ AC _aes_ Froehlich: _et_ ? : _en imaginosam_ Doering ||
_nec rogare qualis sit solet Ammiana nasum_ R. Y. Tyrrell: fort.
_nec rogate qualis: sic olet aes imaginosum_




XLII

Adeste, hendecasyllabi, quot estis
omnes undique, quotquot estis omnes.
iocum me putat esse moecha turpis,
et negat mihi uestra reddituram
pugillaria, si pati potestis. 5
persequamur eam, et reflagitemus.
quae sit, quaeritis. illa, quam uidetis
turpe incedere, mimice ac moleste
ridentem catuli ore Gallicani.
circumsistite eam, et reflagitate, 10
'moecha putida, redde codicillos,
redde, putida moecha, codicillos. '
non assis facis? o lutum, lupanar,
aut si perditius potes quid esse.
sed non est tamen hoc satis putandum. 15
quod si non aliud potest, ruborem
ferreo canis exprimamus ore.
conclamate iterum altiore uoce
'moecha putida, redde codicillos,
redde, putida moecha codicillos,' 20
sed nil proficimus, nihil mouetur.
mutanda est ratio modusque uobis,
siquid proficere amplius potestis,
'pudica et proba, redde codicillos. '


XLII cum XLI continuant codices

1 _endecha sillabi_ GORVen _quot estis omnes_] Carm. Epigr.
1504. 13 Buech. _quot est[is om]nes_
3 _locum al. iocum_ GBRVen: _locum_ OLa1
4 _uestra_ ? : _nostra_ ed. Trinc. Auantii
5 Charis. 97. 12 Keil '_Haec pugillaria saepius neutraliter
dicit idem Catullus in hendecasyllabis. _'
7 _illa_ OBah Laurentiani: _illam_ GACD et R m. pr. : _illam al.
illa_ Ven
8 _mimice_ Turnebus: _mirmice_ (_mirinice_ O) ? : _mimicae_ Phil.
(Bod. Lat. Class. e. 17) Post _moleste_ distinguit Giri
9 _catulli_ ?
12 om. Dh et R, sed in R postea sic additus est uersui 11 ut
unam lineam ambo continuarent
13 _facit_ Schmidt, Halbertsma
14 _potes_ GORVen, Laur. 33. 12. cod. Ashburneri, _potest_ La1CDa
et plerique
15 _tamen hoc satis_ GODh: _tamen satis hoc_ (_haec_ Ca)
RVenBLa1Ca: _satis tamen hoc_ A
16 _pote, ut_ uel _potest, ruborem Ferreo ut canis e. o. _ Munro:
_pote ut_ iam coni. Pleitner
17 _ferre/o/_ Gr: _ferre o_ OBLa1ACa
21-24 om. a
21 _nichil proficimus, nil mouetur_ GD, sed hic sine spatio:
_nihil pr. nihil m. _ ?
22 _uobis_ marg. p: _nobis_ ?




XLIII

Salue, nec minimo puella naso,
nec bello pede nec nigris ocellis,
nec longis digitis nec ore sicco,
nec sane nimis elegante lingua,
decoctoris amica Formiani. 5
ten prouincia narrat esse bellam?
tecum Lesbia nostra comparatur?
o saeclum insapiens et infacetum!


XLIII cum XLII continuant codices

1 _nimio_ Scaliger ex cod. Cuiaciano (p)
5 ex XLI. 4 inlatum ratus est Iacobus Mowat Cantabrigiensis
6 _prouintia_ BRh
8 _o sedum_ OB || _insapiens ? ,_ Ernstius Var. Obseruat. i. 15:
_insipiens_ a, Muretus || _atque_ GVen




XLIV

O funde noster seu Sabine seu Tiburs,
(nam te esse Tiburtem autumant, quibus non est
cordi Catullum laedere: at quibus cordi est,
quouis Sabinum pignore esse contendunt)
sed seu Sabine siue uerius Tiburs, 5
fui libenter in tua suburbana
uilla, malamque pectore exspui tussim,
non inmerenti quam mihi meus uenter,
dum sumptuosas appeto, dedit, cenas.
nam, Sestianus dum uolo esse conuiua, 10
orationem in Antium petitorem
plenam ueneni et pestilentiae legi.
hic me grauedo frigida et frequens tussis
quassauit usque dum in tuum sinum fugi,
et me recuraui otioque et urtica. 15
quare refectus maximas tibi grates
ago, meum quod non es ulta peccatum.
nec deprecor iam, si nefaria scripta
Sesti recepso, quin grauedinem et tussim
non mihi, sed ipsi Sestio ferat frigus, 20
qui tunc uocat me, cum malum librum legi.


XLIV cum XLIII continuant ?

2 _cum_ erasum ante _quibus_ G
4 _pignore_ ACha: _pignoris_ ?
7 _uilla_] _uilam_ cod. Ashburneri || _malamque_ Ald. I:
_aliamque_ codd. || _exspui_ scripsi: _expui tussim_ Scaliger:
_expulsus sim_ ? : _expuli t. _ Auantius
8 _meus uenter_ Faernus: _mens uertur_ GORVenLa1C: _uertitur
mens al. uertur_ B: _mens uertetur_ cod. Ashburneri
10 _fest. _ O || _conuiu? a_ R: _conuiuia_ pr. Ven
11 _orationem_ (_-ne_ O) _minantium petitorum_ (_-rem_ O:
_petitor? m_ (suprascr. _u_) R) ? : correxit Faernus
13 _hoc_ O || _grauedo_ ACa: _grauido_ GORVenBLa1D
15 _ocimoque_ Muretus
17 _que_ BLa1
19 _sesti recepso_ Palladius: _sestire cepso_ ? || _quin_ a:
_qui_ ? || _grauedinem_ ?
20 _mi_ a, Auantius || _Sectio_ GOLa1: _sectio al. sestio_ Ven:
_sextio_ Ba
21 _legi_ Lachm. : _legit_ ? : _legit librum_ Ald. I




XLV

Acmen Septimios suos amore
tenens in gremio 'mea' inquit 'Acme,
ni te perdite amo atque amare porro
omnes sum assidue paratus annos
quantum qui pote plurimum perire, 5
solus in Libya Indiaque tosta
caesio ueniam obuius leoni. '
hoc ut dixit, Amor sinistra ut ante,
dextram sternuit approbationem.
at Acme leuiter caput reflectens, 10
et dulcis pueri ebrios ocellos
illo purpureo ore suauiata,
'sic,' inquit 'mea uita Septimille,
huic uni domino usque seruiamus,
ut multo mihi maior acriorque 15
ignis mollibus ardet in medullis. '
hoc ut dixit, Amor sinistra ut ante,
dextram sternuit approbationem.
nunc ab auspicio bono profecti
mutuis animis amant amantur. 20
unam Septimios misellus Acmen
mauult quam Syrias Britanniasque:
uno in Septimio fidelis Acme
facit delicias libidinisque.
quis ullos homines beatiores 25
uidit, quis Venerem auspicatiorem?


XLV cum XLIV continuant ?

1 _Ac men_ GRBVen: _Agmen_ AC || _Septimios_ O: _Septimos_ GB
(m. pr. ) La1RVen
3 _perditi_ ?
5 _qui pote_ Calp. 1481: _qui potest_ ? : num _quist pote_?
7 _cesio_ GORVen
8, 9 _sinistra ut ante dextra st. approbatione_ ? : _sinister
ante_ Voss: _sinister astans_ Munro: _sinistra amanti_
Macnaghten
9 _dextram_ ap
10 _at Acme_ Calp. 1481: _ad hanc_ (_hac_ O) _me_ ? , nisi quod R
habet _at_ sed ut uidetur super rasuram
12 _suauiata_ a: _sauiata_ AC: _saniata_ GOBLa1 DVen
13 _septimille_ BLa1D: _septinulle_ GO: _septimille al.
septinuelle_ RVen
14 Post _uni_ solito maius spatium est in G || _uno_ Bhp
17 _sinistrauit ante_ ? : corr. ACDa
21 _Septumius_ ? || _agmen_ ?
22 _sy_(_i_ O)_riasque_ GORVenBLa1
24 _libidinesque_ ex _-nisque_ R




XLVI

Iam uer egelidos refert tepores,
iam caeli furor aequinoctialis
iucundis Zephyri silescit aureis.
linquantur Phrygii, Catulle, campi
Nicaeaeque ager uber aestuosae: 5
ad claras Asiae uolemus urbes.
iam mens praetrepidans auet uagari,
iam laeti studio pedes uigescunt.
o dulces comitum ualete coetus,
longe quos simul a domo profectos 10
diuersae uariae uiae reportant.


XLVI cum XLV continuant codices

1 _uere gelidos_ ?
3 _ioc. _ ? || _aureis_ GOVen: _aureis_ RBC
4 _liquantur_ OD || _catule_ OLa1
5 _ager_ (_acer_ BLa) _ruber estuore_ ?
6 _claras_] _c_ super rasuram R
10 _quos_ R (ex _q{o}? _ factum est _q{o}? _), D: _quo_
GOBLa1Ch: _que_ Aa
11 sic Victorius || _diuerse uarie_ GORVen: _diuerse uariae_ B
m.