No More Learning

33. 12, Bod. Lat. Class. e. 15
6 _fit_ GORVenC Bod. Lat. Class. e. 15




XC

Nascatur Magus ex Gelli matrisque nefando
coniugio et discat Persicum aruspicium:
nam magus ex matre et nato gignatur oportet,
si uera est Persarum impia religio,
natus ut accepto ueneretur carmine diuos 5
omentum in flamma pingue liquefaciens.


XC cum LXXXIX continuant ? , nullo spatio relicto

1, 3 _magus_ Dap: _magnus_ ?
1, 2 _nascetur. . . discet_ Richards
3 _gnato_ ?
4 _religio_ ?
5 _gnatus_ ? : _gratus_ L. Mueller
6 _omentum_ D Phil. : _quintum_ O: _omne tum_ ? : num _fomentum_?




XCI

Non ideo, Gelli, sperabam te mihi fidum
in misero hoc nostro, hoc perdito amore fore,
quod te cognossem bene constantemue putarem
aut posse a turpi mentem inhibere probro;
sed neque quod matrem nec germanam esse uidebam 5
hanc tibi, cuius me magnus edebat amor.
et quamuis tecum multo coniungerer usu,
non satis id causae credideram esse tibi.
tu satis id duxti: tantum tibi gaudium in omni
culpa est, in quacumque est aliquid sceleris. 10


XCI cum XC continuant ? , nullo spatio relicto

3 _constantemue_ GOh: _constanterue_ RVenC Laur. 33. 12:
_constanterque_ BLa1Da Phil.
4 _aut posse aut_ ? : _haud posse a_ Dap || _mentem_ Da:
_mente_ ?
9 _id duxti_ Ald. I: _induxti_ GORVen




XCII

Lesbia mi dicit semper male nec tacet umquam
de me: Lesbia me dispeream nisi amat.
quo signo? quia sunt totidem mea: deprecor illam
assidue, uerum dispeream nisi amo.


XCII Huic carmini _IN C(A)ESAREM_, qui titulus ex loco suo ante
XCIII per errorem huc tralatus est, praefigunt ? : spatium nec
in G nec O, sed in O omissa est prima littera uocabuli _Lesbia_

1 _Esbia_ O _mala_ B
2 _amat_ OD Laur. 33. 12 et codices Gellii: _amo al. amat_ BRVen:
_amo_ GACLa1h
3, 4 habent Oh Ambrosianus I. 67, Carpentoractensis et codices
Gellii: om. ? et Bod. Lat. Class. e. 15 || Lachm. eos ab Italis
ex Gellio additos fuisse ratus est: alii fuisse in archetypo,
sed in plerisque apographis uitio praetermissos, cum archetypon
describentis oculi ab _amat_ in u. 2 ad _amo_ in 4 errassent,
cuius rei testimonium esse _amo_ in GACLa1h scriptum. Impressi
sunt in ed. 1473 hoc modo _cui ego quasi eadem totidem mox
deprecor illi ? . ? . ? . _
3 _quia sunt totidem ea_ Oh Ambros. I. 67 Carp. : _quia sin
totidem ea_ cod. Vaticanus 3452 Gellii: _quas in totidem ea_
plerique codices Gellii: _quia sentio idem: nam deprecor illam_
Froehlich: _quia sunt itidem mea_ Schmidt
4 _uero_ O Carp. || De hoc epigrammate disseruit Gellius N. A.
VII. 16 _cum esset uerbum deprecor doctiuscule positum in
Catulli carmine ? . ? . ? . _




XCIII

Nil nimium studeo, Caesar, tibi uelle placere,
nec scire utrum sis albus an ater homo.


XCIII cum XCII continuant ? , nullo spatio relicto

2 _nec si ore utrum si saluus an alter homo_ ? : _Ne_ (om. a)
_nisi orem_ Da || fort. _ne scierim_.
Quintil. Instit. Orat. XI. I. 38 _Negat se magni facere aliquis
poetarum utrum Caesar ater an albus homo sit, insania; uerte ut
idem Caesar de illo dixerit, arrogantia est. _
Hinc, et quod Phaedrus III. 15. 10 posuit _niger an albus_,
licet suspicari Quintilianum Catulli uerba inuerso ordine _ater
an albus_ legisse




XCIV

Mentula moechatur. moechatur mentula certe.
hoc est quod dicunt, ipsa olera olla legit.


XCIV cum XCIII continuant ? , nullo spatio relicto

1 _metula_ O: _M. m. , m. mentula? certe_ Postgate.
Plenam interpunctionem ante et post _certe_ statuerunt Scal.
Lachm. Haupt
2 _olera ola_ Carp.




XCV

Zmyrna mei Cinnae nonam post denique messem
quam coepta est nonamque edita post hiemem,
milia cum interea quingenta Hortensius uno
. . . . . . . .
Zmyrna cauas Satrachi penitus mittetur ad undas, 5
Zmyrnam cana diu saecula peruoluent.
at Volusi annales Paduam morientur ad ipsam
et laxas scombris saepe dabunt tunicas.
parua mei mihi sint cordi monimenta. . . ,
at populus tumido gaudeat Antimacho. 10


XCV cum XCIV continuant ? , nullo spatio relicto

1 _Quintil. Inst. Orat. X. 4. 4 Cinnae Zmyrnam nouem annis
accepimus scriptam Zmirna_ RVenAC: _Zinirna_ GOB Laurentiani
2 _cepta_ ? || _est_ post _hiemem_ add. Owen
3 _Hortensius_ codd. : _Hatrianus in_ Munro
4 _anno_ suppleuit Munro, _mense_ Heyse, _stans pede_ Owen
Inter 3 et 5 spatium est in Dp non in ?
5, 6 _Zinirn. _ GOR m. pr. , B Laurentiani: _Zmirn. _ ACVen ||
_canas_ ? : corr. ha
6 _peruoluit_ ?
7 _Padoam_ Rob. Titius, Froehlich: num _Patinam_? cf. Schol.
Veron. ad Aen. I. 247
9 _monimenta_ scripsi: _monum. _ ? : post _monumenta_ in marg.
RVen _deest_ || _laboris_ Dap: _sodalis_ Ald. I: _poetae_ Bapt.
Guarinus: _Philetae_ Bergk: _Phanoclis_ Rossbach: _Phalaeci_
Munro: _Catonis_ Leo
10 _populus ul' tu timido_ O: _timido_ a: _eut_ (GORVen) uel
_ent(h)ima c(h)o_ ?




XCVI

Si quicquam mutis gratum acceptumue sepulcris
accidere a nostro, Calue, dolore potest,
quo desiderio ueteres renouamus amores
atque olim missas flemus amicitias,
certe non tanto mors immatura dolorei'st 5
Quintiliae, quantum gaudet amore tuo.


XCVI cum XCV continuant ? , nullo spatio relicto

1 _et gratum ? _ unde _muteis_ scribebat Schwabe: _et_ om. Da
3 _que_ O: _quom_ H. A. Koch, Munro: _quei_ Baehrens: _quod_
Gul. Meyer || _renouamur_ O si recte interpretor _renouam? _:
_reuocamus_ Busche
4 _orco mersas_ Haupt
5 _imm. _ OVen || _doloreist_ scripsi: _dolor est_ GORVenB
Laurentiani: _dolore est_ ACa: _dolori est_ Dh
6 _Quintile_ O: _Quintil{{l}e_ G




XCVII

Non (ita me di ament) quicquam referre putaui,
utrumne os an culum olfacerem Aemilio.
nilo mundius hoc, niloque immundius illud,
uerum etiam culus mundior et melior:
nam sine dentibus hic: dentis os sesquipedalis, 5
gingiuas uero ploxeni habet ueteris,
praeterea rictum qualem diffissus in aestu
meientis mulae cunnus habere solet.
hic futuit multas et se facit esse uenustum,
et non pistrino traditur atque asino? 10
quem siqua attingit, non illam posse putemus
aegroti culum lingere carnificis?


XCVII cum XCVI continuant ? , nullo spatio relicto

1 _quicquam_ Dap Laur. 33. 12: _quicquid al. quicquam_ BRVen:
_quicquid_ GOACh
2 _utrumne_ ed. Trinc. : num _utrum os an culumne_?
3 _nilommundius_ G: _nihil omundius_ O || _nobisque inmundius
illud_ ? , nisi quod pro _nobisque_ a habet _nihloque_, D
_nihilo_, O compendium scripturae quod aut _nihiloque_ aut
_nobisque_ significare potuit, praeterea _inmundior illo_ est in
D. Scripseram in ed. 1 _nilo mundius hoc, niloque inmundius
illud_, h. e. os nihilo mundior res est culo, culus nihilo
inmundior res est ore: post intellexi Gul. S. Walker idem
occupasse in Corpore Poet. Latinorum.
5 sic Rossbach: _nam sine dentibus est hic_ (_hin? _ suprascr.
_c_ R) _dentis seseque dedalis_ ? : _nam sine dentibus est hic
dentis hos_ (_os_ a) _sexquipedalis_ (_esque p. _ a) Da: _est.
hic_ Lachm. : _Est. os_ Froehlich
6 _ploxint_ Festus p. 290 Ponor: _ploxnio_ O: _ploxonio_ GRAC
Laur. 33. 12: _ploximo_ Bod. Lat. Class. e. 15 || _Quintil. I. 5.
8 _Catullus ploxenum circa Padum inuenit
7 _diffissus_ Statius: _def(f)essus in (a)estum_ ? || _aestu_ a
8 _meientis_ R: _megentis_ GO
9 _facit_ O Dah: _fecit_ ?
10 _pristrino_ O
11 _si quae_ O




XCVIII

In te, si in quemquam, dici pote, putide Victi,
id quod uerbosis dicitur et fatuis.
ista cum lingua, si usus ueniat tibi, possis
culos et crepidas lingere carpatinas.
si nos omnino uis omnes perdere, Victi, 5
hiscas: omnino quod cupis efficies.


XCVIII cum XCVII continuant ? , nullo spatio relicto

1 _inquam quam_ ? || _pote_ om. O || _Vetti_ Statius: _Vitti_
Haupt
2-5 om. D
4 _carpatians_ (_pant_ O) GO: _carpatians al. carpatinas_ RB
6 _hiscas_ Voss: _discas_ ? : _dicas_ p: _deiscas_ pro _dehiscas_
Hendrickson




XCIX

Surripui tibi, dum ludis, mellite Iuuenti,
suauiolum dulci dulcius ambrosia.
uerum id non impune tuli: namque amplius horam
suffixum in summa me memini esse cruce,
dum tibi me purgo nec possum fletibus ullis 5
tantillum uestrae demere saeuitiae.
nam simul id factum est, multis diluta labella
guttis abstersisti omnibus articulis,
ne quicquam nostro contractum ex ore maneret,
tamquam commictae spurca saliua lupae.
10
praeterea infestum misero me tradere amori
non cessasti omnique excruciare modo,
ut mi ex ambrosia mutatum iam foret illud
suauiolum tristi tristius elleboro.
quam quoniam poenam misero proponis amori, 15
numquam iam posthac basia surripiam.


XCIX cum XCVIII continuant ? , nullo spatio relicto: in Da
spatium, in quo _AD IVVENTIVM_

1 _Surripui_ Da: _Surmpuit_ O fortasse pro _surrupuit_:
_Surripuit_ ? || _iuuenti_ R: _uiuenti_ Paris. 7989 m. pr. || In
GOCVen uix dinoscas _iu-_ an _ui-_ exaratum sit
2 _suauiolum_ GORVen et plerique || _amb_(_am_ G)_rosio_ ? , quod
defensum ibat Nake ad Diras p. 238
7 _ad_ pro _id_ G: num _ac_?
8 _abstersisti_ ed. Trinc. , Schmidt: _astersi? _ B: _abstersti_
O, Auantius: _a(b)stersi_ ?
9 _ne_ Dh: _nec_ ?
10 _comicte_ G: _conmincte_ RVen
11 _infestum misero_ B Phil. Carp. : _infesto miserum_ ? : num
_infausto_?
13 _mihi ex ambros_(_x_ R)_io_ ? : corr. Da
14 _suau. _ Da: _sau. _ ?
15, 16 del. Landor
15 _amoris_ Postgate




C

Caelius Aufilenum et Quintius Aufilenam
flos Veronensum depereunt iuuenum,
hic fratrem, ille sororem. hoc est, quod dicitur, illud
fraternum uere dulce sodalicium.
qui faueam potius? Caeli, tibi: nam tua nobis 5
perfecta ? exigitur? unica amicitia,
cum uesana meas torreret flamma medullas.
sis felix, Caeli, sis in amore potens.


C _IN CELIVM ET QVINTIVM_ marg. G, ? : spatium unius uersus in D,
non item in O, ubi tamen prima littera uocabuli _Celius_
omissa est

1 _Ellius_ O || _Melius_ D: _E elius_ C
2 _ueron. _ GVenDa: _treron. al. ueron. _ RB: _treron. _ OCLa1 ||
_depereunt_ ed. Parm. 1473: _depereret_ GOACLa1: _depereret al.
ant_ RBVen
5 _qui_ a: _cui_ ?
6 _perspecta_ a || _? exigitur? _] _est exigitur est_ G: _est_
(_? _ R) _igitur est_ ORVenA Laur. 33. 12: _est igitur_ CLa1a ||
_per facta exhibita est_ Lachm. : _perspecta est signis_
Froehlich: _perspecta eximie est_ H. A. Koch: _perspecta egregie
est_ Baehrens: _perspecta est igni tum_ Palmer




CI

Multas per gentes et multa per aequora uectus
aduenio has miseras, frater, ad inferias,
ut te postremo donarem munere mortis
et mutam nequiquam alloquerer cinerem.
quandoquidem fortuna mihi tete abstulit ipsum, 5
heu miser indigne frater adempte mihi,
nunc tamen interea haec prisco quae more parentum
tradita sunt tristi munere ad inferias,
accipe fraterno multum manantia fletu.
atque in perpetuum, frater, aue atque uale. 10


CI _FLETVS DE MORTE_ (_AMORE_ D) _FRATRIS_ marg. G, RVenADB
Laurentiani: spatium in O non est, sed prima littera uocabuli
_Multas_ omissa est

1 _Vltas_ O
2 _seras_ Markland
4 _mutam_ ? : _mutum_ D || _ne quicquam_ ?
7 _hec_ Oh: _hoc_ ? || _priscoque_ ?
8 _tristi_ ? : om. D spatio relicto || _munere_ ? : _munera_ Dh:
_tristis munera_ Lachm.




CII

Si quicquam tacito commissum est fido ab amico,
cuius sit penitus nota fides animi,
meque esse inuenies illorum iure sacratum,
Corneli, et factum me esse puta Harpocratem.


CII cum CI continuant ? : spatium in D, non item in O, ubi tamen
prima littera uocabuli _Si_ omissa est

1 _I_ O || _taciti_ Heinsius: _tacite_ Munro || _ab antiquo_ GO,
non R
3 Post _illorum_ distinguebat Munro
4 _arpocratem_ ?




CIII

Aut sodes mihi redde decem sestertia, Silo,
deinde esto quamuis saeuus et indomitus:
aut, si te numi delectant, desine quaeso
leno esse atque idem saeuus et indomitus.


CIII cum CII continuant ? , nullo spatio relicto

1 _sext. _ ?
2 _est o_ ? : _est_ O: _es o_ D
3 _numi al. mimi_ B: _mimi al. numi_ RVen: _m? mi_ O




CIV

Credis me potuisse meae maledicere uitae,
ambobus mihi quae carior est oculis?
non potui, nec, si possem, tam perdite amarem:
sed tu cum Tappone omnia monstra facis.


CIV cum CIII continuant ? , nullo spatio relicto

1 _uitae_] _Victi_ uel _Vetti_ Starkie
3 _non_] _nec_ Doering || _si_ om. O || _perdita_ O || _amare_
? : corr. Da
4 _caupone_ Bodl. Lat. Class. e. 15 || _mostra_ Ven, D nondum
correctus || _sed tua, Coponi, crimina nostra facis_ Wilkes
secutus Vossium




CV

Mentula conatur Pipleium scandere montem:
Musae furcillis praecipitem eiciunt.


CV cum CIV continuant ? , nullo spatio relicto

1 _pipleium_ RC Laurentiani: _pipileium_ GO || _scandere_ Da:
_scindere_ ?
2 _furcilis_ GOBLa1




CVI

Cum puero bello praeconem qui uidet isse,
quid credat, nisi se uendere discupere?


CVI cum CV continuant ? , nullo spatio relicto

1 _bello_ Ald. I: _obel(l)io_ ? : fort. _Obelli_ || _isse_ Balth.
Venator: _esse_ GOh Lachm. : _ipse_ RVen et plerique: _ire_
Schwabe || _qui uidet, esse quid credat_ Thomas




CVII

Si quoi quid cupido optantique optigit umquam
insperanti, hoc est gratum animo proprie.
quare hoc est gratum ? nobis quoque? carius auro
quod te restituis, Lesbia, mi cupido.
restituis cupido atque insperanti, ipsa refers te 5
nobis. o lucem candidiore nota!
quis me uno uiuit felicior, aut magis ab dis
optandum in uita dicere quis poterit?


CVII cum CVI continuant ? , nullo spatio relicto: spatium in Da,
quod corr. D sic suppleuit _AD LESBIAM_

1 _quoi quid_ Ribbeck: _quic_(_d_ O)_-quid_ ? : _vquicquam_ Dah
2 _insperati_ Heinsius
3 _nobis quoque_ codd. quod ita retinebat Blaydes ut post
_quoque_ interpungendum censeret, non post _gratum_: _nobisque
hoc_ Statius: _nobisque est_ Haupt: _Lido quoque_ ego ed. 1:
_quouis quoque_ Baehrens || _carior auro_ Gul. S. Walker, quod
cum sequentibus coniungebat
5 _inspiranti_ O: _inspirati_ Bod. Lat. Class. e. 15: num
_inopinanti_?
6 _o luce_ codd. nisi quod _aluce_ est in Bod. Lat. Class. e. 15
7 _quis me uiuit uno uno felicior_ D || post _magis_ spatium in
D || _ab dis_] _me est_ ? : _hac est_ Oh
8 _optandus uita dicere_ codd. : _magis hac quid Optandum uita_
Al. Guarinus: _m. hac res Optandas uita_ Lachm. : _magis hac rem
Optandam in uita_ Postgate: num _istac Optandam uita_?




CVIII

Si, Comini, arbitrio populi tua cana senectus
spurcata impuris moribus intereat,
non equidem dubito quin primum inimica bonorum
lingua excerpta auido sit data uulturio,
effossos oculos uoret atro gutture coruus, 5
intestina canes, cetera membra lupi.


CVIII cum CVII continuant ? , nullo spatio relicto: spatium in Da,
quod corrector D sic suppleuit _IN QVENDAM_

1 sic Al. Guarinus: _Sic homini populari arbitrio tua cana_ ? :
_Sic homini arbitrio_ || _tua cana_ D: _Sic homini arbitrio
populari cana s. _ ed. antiq. saec. xv: _Si, Comini, populi
arbitrio tua c. _ Statius
4 _excerpta_ scripsi: _exercta_ O: _exerta_ ? : _excepta_ D:
_execta_ a, Lachm.




CIX

Iucundum, mea uita, mihi proponis amorem
hunc nostrum inter nos perpetuumque fore.
di magni, facite ut uere promittere possit,
atque id sincere dicat et ex animo,
ut liceat nobis tota perducere uita 5
aeternum hoc sanctae foedus amicitiae.


CIX cum CVIII continuant ? , nullo spatio relicto: spatium in Da,
quod corr. D sic suppleuit _AD LESBIAM_

1 _amorem_ D: _amore_ ?
5 _perducere_ codd. : _producere_ ed. Trinc.
6 _eterne_ O: _aternum_ D m pr. _alternum_ Bod. Lat. Class. e.
15, Turnebus, cf. Carm. Epigr. 1296, Buecheler




CX

Aufilena, bonae semper laudantur amicae:
accipiunt pretium, quae facere instituunt.
tu, quod promisti, mihi quod mentita inimica es,
quod nec das nec fers, saepe facis facinus.
aut facere ingenuae est, aut non promisse pudicae, 5
Aufilena, fuit: sed data corripere
fraudando effectis, plus quam meretricis auarae,
quae sese toto corpore prostituit.


CX cum CIX continuant ? , nullo spatio relicto: spatium in Da,
quod corr. D sic suppleuit _AD AVFILFNAM_

1 et 6 _Auffilena_ GORVen: _aut fillena_ O
3 _promisti_ Bod. Lat. Class. e. 15: _promisisti_ ? || _tu,
promisisti mihi quod mentita, inimica es_ Munro
4 _nec fers_ codd. : _et fers_ B. Guarinus, Munro. Post _saepe_
distinguebat Munro
5 _promisse_ Parthenius: _promissa_ codd.
7 _effectis_ scripsi: _efficit_ ? : _effecit_ C, Paris. 7989,
Carpentoractensis et Bodl. Lat. Class. e. 15: _officiis_ Bergk
8 _toto_ Da: _tota_ ? : _totam_ Westphal




CXI

Aufilena, uiro contentam uiuere solo,
nuptarum laus ex laudibus eximiis:
sed cuiuis quamuis potius succumbere par est,
quam matrem fratres ex patruo. . .


CXI cum CX continuant ? , nullo spatio relicto: spatium in D,
quod corr. D sic suppleuit _AD AVFILENAM_

1 _Auffilenam_ GVen Laurentiani: _Aut fillenam_ O || _contentas_
Scal. , Lachm.
2 sic Passeratius: _laus est laudibus eximiis_ codd. : _laus est
laudibus ex nimiis_ Baehrens
3 _par_ Dap: _pars_ ?
4 _parere_ add. Doering et Schmidt (cf. Carm. Epigr. 980. 6). ||
_Post _fratres_ Bod. Lat. Class. e. 15 et ed. Pr. supplerunt
_efficere_, Heyse _suscipere_, Rossbach _concipere




CXII

Multus homo es, Naso, neque tecum multus homo qui
descendit: Naso, multus es et pathicus.


CXII cum CXI continuant ? , nullo spatio relicto

1 _es_ Ald. I: _est_ codd. || _neque_ ? : _nec_ D: _nam_ p Scal.
|| _homo qui_ scripsi, cf. LXXXI.